منتديات اسرة الابطال

المنتدي الرسمي لأسرة الابطال
 
الرئيسيةالبوابةمكتبة الصورس .و .جبحـثالمجموعاتالتسجيلدخول

شاطر | 
 

 نكت ظريفة جدا جدا

اذهب الى الأسفل 
كاتب الموضوعرسالة
theprisoner_dream
بطل صغير
بطل صغير


عدد الرسائل : 289
العمر : 29
تاريخ التسجيل : 09/09/2008

مُساهمةموضوع: نكت ظريفة جدا جدا   الأربعاء سبتمبر 10, 2008 12:52 pm

بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم
عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا



مرة واحد صعيدى قررت الدولة انها تعدمه لأنه غبى فقال واحد من الحكومة احنا حنعدم كل غبى صعيدى فى مصر والغبى ده حنسأله
سؤال لو جاوبه صح منعدموش لو ألاجابة غلط نعدمه راحت الحكومة مجمعة كل الصعايدة الى فى البلد عشان يشوفوا الى حيحصل فأيه جيه الضابط وسال الصعيدى واحد وواحد بكام راح قال الصعيدى اتنين راح قال كل الصعايدة اديلوا فرصة تانية ... اديلوا فرصة تانية



يسالو صعيدي كم نسبة البطالة في مصر قال
مش عارف بس بشكل عام الصعايدة كلهم ابطال



مرة و رجل اعمال عمل مسابقة ان اللى يطلع الدور المية هايخد مليون جنيه فدخل فيها واحد
انجليزى وواحد فرنساوى وواحد مصرى بس بخيل شوية الفرنساوى طلع الدور الخمسين مقدرش يكمل والانجليزى طلع الستين ومعرفش يكمل المصرى البخيل طلع التسعة وتسعين وقعت منو بريزة نزل يجبها



واحد بيسأل بياع إمخاخ :المخ الفرنساوى ده بكام قالوا ب30 والمخ الأمريكانى ده بكام قالو
ب20 طب على كده المصرى ده بكام قالو ب60 الراجل استغرب إزاى ياعم انت .البياع قالوا اصلو ما أشتغلش لسه بشوكو



عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل
موصلات والف دولار بدل ترفيه والف دولار مكافه فالعسكرى الاسرائيلى ساءل العسكرى المصرى بتقبض كام قالوا سبعين جنيه قالوا بدل ايه ده؟ قالوا....بدل ماشحت



موظف راح يدى صوته فى الانتخابات فاختار لا وهو مروح قابل واحد

صاحبه فسألو عملت ايه ؟قاله علمت على لا لطم صاحبه وقاله

روحت فى شربة ميه فسأله الموظف ايه الحل ؟قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه
وقاله احنا صلحناه لك اوعى تعمل كده تانى



كانت هناك مسابقة بين أمريكي وأوربي وصومالي ومصري
فسألوا الأمريكي: إيه رأيك في مشكلة الغذاء في العالم؟ فقال: عالم يعني إيه عالم؟، أنا معرفشي أي عالم غير أمريكا.
فسألوا الأوروبي: إيه رأيك في مشكلة الغذاء في العالم؟ فقال مشكلة! يعني إيه مشكلة؟، أنا معرفشي حاجة اسمها مشكلة.
فسألوا الصومالي: أيه رأيك في مشكلة الغذاء في العالم ؟ فقال غذاء !، يعني إيه غذاء؟، أنا معرفش حاجة اسمها غذاء.
فسألوا المصري: إيه رأيك في مشكلة الغذاء في العالم؟ فقال رأي! يعني إيه رأي؟، أنا معرفشي حاجة اسمها رأي



المخابرات المصريه حبت تعمل جاسوس فى اسرائيل جابو هريدى قعدوه فى اسرائيل سبع سنين علشان
يتعلم ويتعامل معاهم وبعدين جابوه مصر وقلولو على كلمه سر علشان يعرفوه بيها علشان لو بعتوله حد وهى (ازى ابوك وامك)وبعدين بعتوله واحد راح العماره اللى ساكن فيها فبيسال البواب فين شقه هريدى قالو هريدى اللى فى الدور الاول ولا هريدى اللى فى الدور التانى ولاهريدى اللى التالت ولا اللى فى الدور الرابع فالراجل فكر وقال اما اطلع ادور عليه احسن فراح لهريدى اللى فى الدور الاول وقالو (ازى امك وابوك) قالو انت عايز المعلم هريدى الجاسوس ده فى الدور الرابع








فى مرة واحد صعيدى اشترى مجلة فقرى فيها كيف تقود الطائرة
فقال والله لازم اجرب فطلع الطيارة فاتبع تعليمات المجلة طبعا الزرار الاحمر لفوق والاخضر تحت والبنى يمين والازرق شمال فمل من الطيران فقال خلاص انزل بقى فجة عشان يتبع تعليمات النزول بيقلب الصفحة فى المجلة فقالتلوا اذا اردت الهبوط انتظر العدد القادم



واحد شكله غلبان ويصعب على الكافر قاعد على قهوه باصص لكوبايه شاى قدامه ومتنح ! شافه واحد رذل عامل نفسه فتوه , فقال اما اروح اتتنطط عليه شويه
,راح داخل عليه وشادد الكوبايه من قدامه وشربها على بق واحد , وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه , فخبط على كتفه وقال:
ياراجل ماتعملش فى نفسك كده, معقوله راجل بشنبات يعيط علشان كوبايه شاى بخمسين قرش؟
انا مش باعيط علشان الشاى , بس انهارده اسؤا يوم فى حياتى !
صحيت الصبح متاخر , فاخذت الموتوسيكل بتاع اخويا علشان الحق الشغل بس برضه وصلت متاخر وصاحب الشغل هزقنى ,ماستحملتش ورديت عليه راح طاردنى !جيت اخد الموتوسيكل واروح لقيته اتسرق , رحت ابلغ اخويا اتهمنى بالسرقته ! وبعد ماضربونى فى القسم علشان اعترف طلعونى بكفاله مش عارف هسددها ازاى , وحتى لما قررت انتحر , جيت اشرب كوبايه السم , جيت انت وخطفتها من ايدى


فى النهاية واحد حشاش اتصل بمصر للطيران
الحشاش: هى الطيارة من القاهرة لبكين تاخد اد ايه ؟
الموظف: ثانية واحده ...
الحشاش: شكراً

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kinglove
مشروع بطل
مشروع بطل
avatar

عدد الرسائل : 73
العمر : 28
تاريخ التسجيل : 08/09/2008

مُساهمةموضوع: رد: نكت ظريفة جدا جدا   الأربعاء سبتمبر 10, 2008 7:35 pm

هههههههههههههههههههه
حلوه اوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
romyo
مشروع بطل
مشروع بطل
avatar

عدد الرسائل : 140
العمر : 31
تاريخ التسجيل : 08/09/2008

مُساهمةموضوع: رد: نكت ظريفة جدا جدا   الأربعاء سبتمبر 10, 2008 8:23 pm

جامدة مش معقول يا دريم
بجد نكت ملهاش حل حتى لو سمعناها قبل كدة هنضحك عليها واحب اضيف نكتة كدة :
مرة اتنين صعايدة زعلوا من ان كل الناس بيتتريقوا على الصعايدة وسايبين الفلاحين فقالوا لازم نثبت للناس ان الفلاحين اغبياء راحوا لبسوا لبس فلاحين وطلعوا المقطم وجابوا سنارتين وعملوا انهم بيصطادوا الناس عدت وقعدت تقول نكت على الفلاحين شوية واتنين صعايدة معديين شافوا المنظر لاحوا قالعين الجلاليب وناطين!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Amr.Saif
Admin
Admin
avatar

عدد الرسائل : 218
تاريخ التسجيل : 08/09/2008

مُساهمةموضوع: رد: نكت ظريفة جدا جدا   الأربعاء سبتمبر 10, 2008 9:06 pm


هههههههههههههههههههههههههه
بجد هموت من كتر الضحك المتواصل
موضوع رائع يا دريم
تحياتي يا بوب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el2btal.ahlamontada.net
theprisoner_dream
بطل صغير
بطل صغير


عدد الرسائل : 289
العمر : 29
تاريخ التسجيل : 09/09/2008

مُساهمةموضوع: رد: نكت ظريفة جدا جدا   الأربعاء سبتمبر 10, 2008 9:14 pm


شكرا يا جماعة على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت ظريفة جدا جدا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسرة الابطال :: الصفحة الرئيسية :: المنتديات الترفيهية :: منتدي النكت والقصص الطريفة-
انتقل الى: